di Enrico Nastro Siniscalchi
Chi Semu cuntenti pa zona falcata
A nutizia da iunnata
Autorità e comuni ficiru paci
Ca sodisfazioni di tutti i buddaci
Cu brinda a destra e cu mbivi a manca
Ma u profeta i parari nun si stanca
Subitu vosi puntualizzari
Grattacieli e porticcioli nun n’ama a ffari
Pari chi avemu bisognu i travagghiari?
Cappenteri, operai e manuvali
Bbonu stannu e nun s’hannu a lamentari
U mari ,a contemplazioni e a spiritualità
E i nostri figghi cci damu a manciari sti belli specialità
Iddi pattunu, sti ingrati
Belli schetti e maritati
Cu a milanu e ccu a turinu
A Londra e magari a Berlinu
Ma chi pattiti a ffari?
Tunnati a missina, a meditari
E ggià chi cci siti, appena sbarcati
Nn’aviti a liberari i sti sunati
Chi tra u tibet e a meditazioni
Nni stannu fannu sprufunnari nta disperazioni.
