STRANU TIPU STU BUDDACI
PARRA ASSAI E MAI TACI
QUANNU C’E’ DA RAGIUNARI
SEMPRI PRONTU A CRITICARI
SUGNU ‘CCA SUGNU ‘DDA
CANUSCIU A CAIU E PURU A TIZIU
AVI SEMPRI U STISSU VIZIU
SI PERO’ S’AVI A QUAGGHIARI
MILLE SCUSE SAPI TRUVARI
NA VOTA A SFUTTUNA, N’AUTRA U SCIROCCU
CI TRASI PURU U TERREMOTU CHI LASSAU U MISSINISI VUOTU
SENZA PASSATU, E MANCU PRESENTI
PARI CHI NUN C’INTERESSA NENTI
CA POLITICA VOLI GIUCARI
SEMPRE PRONTU A GIUDICARI
EDUCAZIONE E CIVILTA’
PARE CHI MAI PASSARU I ‘CCA
U POSTU O COMUNI E A COTTESIA
E I FIGGHI CONTINUANO AD ANNARI VIA
PARTUNU TRENI DI EMIGRATI
BELLI, PULITI E PURU STUDIATI
CINIRI NNI LASSARU, CHISTU E’ VERU
MA NUN SEMU CAPACI A CANCIARI PIDDAVERU
A TENDA ‘NTA PIAZZA, A MANIFESTAZIONI
NUDDU CHI PARRA DA DISOCCUPAZIONI
U TIBET E A PACI ‘NTU MUNNU
MA STAMU PROPRIU TUCCANNU U FUNNU
IDDU E’ UN BRAVU CRISTIANEDDU, MA INESPERTO, MISCHINEDDU
COMU A SILVIO, NUDDU U VUTAU
NUN SI SAPI COMU ‘NCHIANAU
MA TANTU U SAPEMU E’ A SOLITA STORIA
U BUDDACI SI INCHI A BUCCA FINU ALLA NOIA
NNI CACCIAMMU ‘NTON BELLU AFFARI
E NUDDU SAPI CCHIU’ CHI S’AVI A FARI.
Enrico Nastro
